Prosjektet omfattar 3 einebustader i kjede. Kvar bustad er på heile 183 innhaldsrike kvadratmeter fordelt på 3 komplette plan, med soverom og opphaldsrom på kvart plan. Det er fire soverom totalt.
Bustadene er først og fremst sjeldan innhaldsrike, og planløysinga har stor fleksibilitet. Her er det mange opphaldsrom for variert bruk, store felles opphaldsrom kor familien samlast og meir private soner kor ein kan trekkje seg tilbake for ulike aktivitetar. Den fleksible planløysinga opnar for variert bruk og vil tilfredsstilla behovet til heile familien.
Løysinga med skråtak og opning mot 3. etasje gir dobbel takhøgde i delar av stova og ei fin romkjensle. Det lyse trapperommet bind etasjane saman og gjer huset ope og luftig. Ekstra takhøgde og gjennomgåande lys skapar òg varierte romopplevingar i bygget. Alle tre etasjane har direkte utgang til eigen uteplass.
Uteplassane har fått høg prioritet, med eigne, private uteplassar på framside og bakside av bygget. Gjennom forskyvingar av bygga blir det skapt private uteplassar i og mellom bygga kor det er rom for å skapa sin eigen identitet. Uteplassane og romma innanfor er tett knyta saman for enkel bruk gjennom dagen. Den store terrassen på andre plan fungerer som ei forlenging av den opne stoveløysinga og bidreg til romkjensla.
På bakkeplan framfor huset finn du forhagen og ein praktisk carport, men i Blomvegen er det godt tilrettelagt for den som ønskjer å bu og leva bilfritt. Du bur i eit etablert bustadområde med gode gangforbindelsar og rolege gater, tilpassa mjuke trafikantar.
Det er gangavstand til alle viktige funksjonar som nærbutikk, skule og idrettsanlegg, og sentrum ligg i berre nokre minuttars gange unna. Du kan til og med gå til gondolbana om vinteren, så er du i alpinanlegget.
"Det forpliktar nok litt ekstra når eg skal teikna bustader i mitt eige nabolag. I Blomvegen har me lagt stor vekt på å balansera arkitektonisk nyskaping med omsorg for det lokale bumiljøet og dei fine omgjevnadane.”
Svein Øvstus, HLM Arkitektur
Blomvegen er ein del av Haugamoen – eit godt etablert bustadområde søraust for Voss sentrum. Her finn du eit godt bumiljø prega av einebustader, mindre rekkjehus, store hagar og gode gangvegforbindelsar i området.
Fellesskapet og gode uteplassar er viktig for dette prosjektet. I tillegg til dei private uteplassane på alle tre plan kjem eit stort felles uteområde som knyter Flaten og Blomvegen med ein snarveg. Her er det enkel tilkomst frå bustadene og godt rom for å skapa nabolag saman.
Blomvegen er ein del av Haugamoen. Eit område prega av godt bumiljø, godt naboskap, fine møteplassar og trygge omgjevnadar. Plasseringa gjer at det aller meste av det du treng i kvardagen er tilgjengeleg til fots.
Med den nye gangbrua Svinto går du raskt til idrettsanlegg og vidare til sentrum og skular. Alt i gangavstand. Det er 5 minutt til Amfi og 7 minutt til Grasbanen. Og ja, du har helgeopen nærbutikk i enden av Blomvegen òg. Det er 16 minutt til Vossabakst Handtverksbakeri, og ikkje meir enn 23 minutt til gondolbana.
Med utbygging av Blomvegen får Haugamoen eit nytt tilskot til det gode nabolaget. Det går ein snarveg gjennom den store uteplassen som bind Flaten og Blomvegen saman. På den måten blir det lagt til rette for gode møteplassar, nye gangvegar og godt naboskap.
Voss Byggsenter har ei historie som strekkjer seg over 30 år med dedikasjon til bygging og sal av bustader og hytter i og rundt Voss. Denne lange erfaringa gir deg som kunde ein kjensle av tryggleik gjennom heile prosessen med å kjøpe eller bygge din draume bustad.
Gå til forhandlersiden
Osavegen 6Voss
